21.-23. oktober 2022 vart datoen for haustsamlinga til Nettverk Marin Forsøpling Møre og Romsdal. Samlinga var på Smøla, heilt nord i fylket. Der var vi so heldige å få bu på Eco Camp Norway, ein vandrarheim som ein av nettverksmedlemmane og familien har laga til på ein gammal skule, nesten berre ved bruk av gjenbruksmateriell.

På samlinga fekk vi høyre frå Pippip Ferner om kva ho og dei andre i Plastic Guerrilla Movement har drive på med, vi fekk sjå basen til Plastjegerne, og vi fekk gjort litt strandrydding der vi fekk sjå kva Smøla har å tilby av marin forsøpling.

Siste dagen av helga gjekk til vårt første “årsmøte” der vi blant anna blei einige om kva vi vil gjer i 2023 og valde medlemsrepresentantar som skal sitje i styringsgruppa.

Tusen takk til alle som bidrog til at samlinga vart so bra som den vart! Og takk til Handelens Miljøfond og Miljødirektoratet/Senter mot marin forsøpling for støtta til arrangementet.