Nyheita om at Runde Miljøsenter er tilbake på statsbudsjettet med 3 mill er svært gledeleg.

Styre og tilsette er letta og glade for at politikarane på stortinget har fått til dette.

Vi har opplevd ein brei og samla innsats frå fleire politikarar frå Møre og Romsdal.

Både Arbeidarpartiet, SP, Høgre, Venstre og SV har bidratt, og vi har forstått det slik at SV ved Birgit Oline Kjerstad har arbeidt særs hardt for dette.

Stor takk frå Runde Miljøsenter til alle som har engasjert seg.

Løyvinga gjer oss i stand til å halde fram arbeidet med kunnskapsoppbygging og formidling om samanhengen mellom fugl, fisk, hav og menneskeleg påverknad på det marint økosystem.