For å kunne forvalte vassressursane i Noreg har Miljødirektoratet laga ein rettleiar for norske farvatn kalla Klassifiseringsveilederen. Her blir biologiske, kjemiske og fysiske kvalitetselement klassifiserte til forskjellige tilstandsgrader basert på verdiane ein måler. Klassifiseringsgrensene varierer mellom forskjellege regionar langs kysten og mellom ulike vasstypar. Grensene går frå «svært god» til «svært dårleg» der målet er at ingen av vassforekomstane skal ha lågare enn «god»tilstand. Dette tiltaket ble gjennomført grunna krav til forvaltninga av vassmiljøet i Noreg og Europa frå det europeiske vassdirektivet som krev at vatnet skal forvaltast som ein heilskap, og elvar og innsjøar, grunnvatn og kystvatn skal sjåast i samanheng.

Tabell 1 – Tilstandsklasser for klassifisering av økologisk- og kjemisktilstand frå Klassifiseringsveilederen, Miljødirektoratet.  

I forbindelse med tiltak på renseanlegg for kommunalt avløpsvatn og nyetablering av industri i Sunndal kommune vart det gjennomført en resipientundersøking av Sunndalsfjorden og Sunndalsfjorden ved Sunndalsøra i perioden 2022-2023.

Figur1 – Oversikt over vannforekomstene i Sunndalsfjorden. Vannforekomstene 0303010902-7-C «Sunndalsfjorden»og 0303010901-C «Sunndalsfjorden ved Sunndalsøra» er omrisset med blålinje. 

Her vart det utført sediment-, botnfauna-og vassprøvetaking, strandsoneundersøking, og straummåling ved ulike stasjonar i fjorden. Prøvane vart analysert for samansetning av botnfauna, miljøgifter og toksisitet i sedimenta, og næringssaltkonsentrasjonar i vassøyla. Resultata vart samanlikna med tidlegare undersøkingar og dei økologiske og kjemiske tilstandane i vassforekomstane vart klassifisert etter vassforskrifta. Alle overvakingsdata ble vidare importert til databasen for Vassmiljø (Vannmiljø).

Dei nye målingane frå 2022-2023 visar at Sunndalsfjorden ved Sunndalsøra har «moderat» økologisk tilstand. Dette kjem hovudsakleg av høge klorofyllverdiar på ein stasjon og høgt fosforinnhald på to stasjonar. Andre næringssalt låg på normale nivå, medan oksygen i botnvatnet og organiskkarbon i sedimenta viste god eller svært god tilstand. Likevel blir totalvurderinga «moderat» sidan det svakaste resultatet avgjer.

Den kjemiske tilstanden i Sunndalsfjorden ved Sunndalsøra oppnådde ikkje «god» kjemisk tilstand, grunna funn av metall og organiske miljøgifter, spesielt høge PAH-verdiar på ein stasjon. Den kjemisketilstanden vart derfor klassifisert som «dårleg».

Til trass for at Sunndalsfjorden manglar viktige vassmålingar frå 2022-2023 blir vassførekomsten klassifisert som «god» økologisk tilstand. Dei fysisk-kjemiske kvalitetselementa klorofyll a, næringssalt og oksygen som skal støtte de biologiske elementa manglar, og resultata bør tolkast forsiktig. Sunndalsfjorden oppnår heller ikkje «god» kjemisk tilstand og vart klassifisert som «dårleg».

Tabell 2: Samanstilling av tilstanden i vassforekomstane Sunndalsfjordenog Sunndalsfjorden ved Sunndalsøra i samsvar med Klassifiseringsveilederen frå Miljødirektoratet.

Denne undersøkinga vart gjennomført saman med Akvaplan-Niva kor Runde Forsking var prosjektledar og ansvarleg for data-analysar og rapportering av fysisk-kjemiske parameter og vassprøvetaking for næringssalt og klorofyll-a.

‍