Ervik Group AS fekk i 2025 innvilga støtte frå Innovasjon Noreg til prosjektet «Brukav restråstoff frå snøkrabbe» (prosjektnr. 2025/101307). Prosjektet har som mål å utvikle kunnskap og prosessløysingar som kan bidra til betre utnytting av restråstoff frå snøkrabbefangst og slik auke ressursutnytting og verdiskaping i sjømatnæringa.

Arbeidet omfattar mellom anna innhenting, lagring og separering av restråstoff, prosessering gjennom enzymatisk hydrolyse og kaldpressing for produksjon av olje og protein, samt analysar av marknads moglegheiter og lønsemd. Ein sentraldel av prosjektet er utvikling av metodar for utvinning av kitin og kitosan fråsnøkrabbeskal.

Runde Forsking deltek i prosjektet som FoU-partnar og er ansvarleg for arbeidspakke HA3, som omfattar prosessering av kitin og ekstraksjon av kitosan. Arbeidet vert leia av Inge Bruheim, forskar og dagleg leiar ved Runde Forsking, som har lang erfaring med prosessering av marine biomateriale og utvikling av høgverdiprodukt frå restråstoff. I prosjektet vil han arbeide med utvikling og optimalisering av prosessar for å omdanne krabbeskal til kitin og kitosan –komponentar med potensial for bruk mellom anna innan bioteknologi,materialutvikling og medisinske føremål.

Prosjektet vert gjennomført i samarbeid mellom Ervik Group, Nofima, Ervik Marine Research og Runde Forsking, og har planlagd prosjektperiode frå mars 2025 til august2026.

‍