Lysfiske brukast i dag som fangstmetode for å tiltrekke seg pelagiske fiskestimar ved bruk av lys. Metoden er svært effektiv på fangst av pelagiske stimfiskar som makrell, sild og brisling men kan og føre til bifangst av andre artar som tiltrekkast av lyset. Lysfiske var stengt i Møre og Romsdal fram til 1998 då nokre utvalde fjordar ble opna, men frå 2017 har lysfiske vore lovleg i heile fylket. Omfanget av bifangst under lysfiske er lite undersøkt, og Runde Forsking held no på å kartlegge omfang og artssamansetting av bifangst frå lysfiske i fylket. Undersøkinga blir gjennomført om bord på fiskefartøy i regionen gjennom observasjonsturar og gjennomgang av fangst på fiskemottak.

Formålet med undersøkinga er å forbetre kunnskapsgrunnlaget på bifangst frå notfiske, for å betre framtidig regulering og forvalting av fiskeressursane i fjordane.