Forskingsfasilitetar

Vi disponerer båten Lophelia, ein 38 fot Mørejet 1167, over 20 knops fart, sertifisert for 12 personar. Romsleg dekk med badeplattform, flybridge, salong, bysse, to lugarar, toalett med dusj. Båten har høg teknisk standard; kran med 400+ m wire, ekkolodd med fleire frekvensar, kartplottar, AIS, radar, VHF, bølgemålar og sjøvasslange. Vi har også prøvetakingsutstyr som CTD, van Veen-grabb, vasshentar og Secchi-skive.

Øien 710 FH, 23 fot, maksfart ca. 30 knop, maks 7 personar. Breidda er 2,34 m. og drifstofftanken er 91 l. Tørrvekt u/motor er 1017 kg, og maks totalvekt lasta båt er 1972 kg. Motoren er 115 hestar Suzuki DF 115BTGL. Båten har 2. stk styreposisjonar, Garmin GPSMAP 923XSV (Kart/GPS/ekkolodd), ProFisher EL m/garn/lineskive og teinebom, Dekkslys bak og framme og trykkvasspumpe for spyling med sjøvatn.

Laboratorium (51 m2) med benkplass, avtrekkskap, tørkeskap, turbiditetsmålar, spektroskop, mikroskop, stereolupe, sentrifuge, analysevekt, destillasjonsapparat, eksikator, titreringsutstyr, filtreringsutstyr, muffelovn, kjemikalieskap og temperaturkontrollerte rom.

Sjøbod (ca. 500 m2) med lagerplass og arbeidsrom, innlagt vatn, toalett, 230V og 400V trefase straum.

Laboratorium (39 m2) med lasteport, vask, sjøvassinntak, arbeidsbenk i rustfritt stål, spyleslange med varmt og kaldt vatn, internett, 230V og 400V trefase.

Kontorplass i ope kontorlandskap med tilgang til møterom, kjøkken, printer/scanner m.m.

Ein kan både ete og bu ved Runde Miljøsenter. For større samlingar er auditorium tilgjengeleg. Dette er drifta av Opplev Runde.